3.09c
Երեվան
ուրբ, մրտ 06
Առնուազն 123 մարդ զոհուած է շրջանին մէջ նոր ռազմական մագլցումի սկիզբէն ի վեր՝ Լիբանանի տարածքին իսրայէլեան օդուժի հասցուցած հարուածներու հետեւանքով։ Այսպիսի տուեալներ ներկայացուցած է Լիբանանի առողջապահութեան նախարարութիւնը X հարթակին մէջ հրապարակուած ամփոփագրին մէջ։
«Մէկ օրուան ընթացքին զոհերու ընդհանուր թիւը 103-էն բարձրացած է մինչեւ 123, իսկ վիրաւորներունը՝ 638-էն մինչեւ 683 մարդ»,- կը նշուի հաղորդագրութեան մէջ։
Ինչպէս նշած են բժիշկները, ռմբակոծութիւններու վայրերուն մէջ փրկարարական աշխատանքները կը շարունակուին, ուստի զոհերու եւ տուժածներու թիւը կրնայ աւելնալ։
Լիբանանի ներքին գործոց նախարարութեան տուեալներով՝ ռազմական գործողութիւններու պատճառով երկրի հարաւային շրջանները լքած է աւելի քան 100 հազար մարդ։
