-1.91c
Երեվան
չրք, դկտ 24
ՆԱԹՕ-ի գլխաւոր քարտուղար Ենս Սթոլթընպըրկ ըսած է, որ կը հասկնայ Ուքրանիոյ նախագահ Վլատիմիր Զելենսքիի եւ ուքրանացի ժողովուրդին հիասթափութիւնը, սակայն նշած է, որ դաշինքին համար կարեւոր է խուսափիլ իրավիճակի մագլցումէն:
Սթոլթընպըրկ հաւաստիացուցած է, որ դաշինքը կ'աջակցի Ուքրանիոյ եւ միեւնոյն ժամանակ զգուշացում ըրած է հակամարտութեան ընդլայնման դէմ:
«Մենք մեծցուցած ենք մեր ռազմական եւ ֆինանսական աջակցութիւնը. Գերմանիան առանցքային դեր կը խաղայ այդ ջանքերուն մէջ», ըսած է ան:
Նաեւ «աննախադէպ պատժամիջոցներու» պատճառով Ռուսաստանը, անոր խօսքով, պէտք է «բարձր գին» վճարէ պատերազմին համար:
«Ես կը հասկնամ նախագահ Զելենսքիի եւ ուքրանացի ժողովուրդին հիասթափութիւնը, քանի որ անոնք դարձած են նախագահ Փութինի զաւթիչ զօրքերու հետ դաժան, անիմաստ պատերազմի զոհերը», յաւելած է Սթոլթընպըրկ:
Միաժամանակ, ըստ անոր, անհրաժեշտ է ապահովել, որ այս հակամարտութիւնը դուրս չգայ վերահսկողութենէն եւ չանցնի Ուքրանիոյ սահմաններէն դուրս:
