2.09c
Երեվան
հնգ, դկտ 25
Ուքրանիոյ Խէրսոնի մարզի (ներկաիս կը գտնուի ռուսական զօրքերու վերահսկողութեան տակ) իշխանութիւնները սկսած են նախապատրաստուել հանրաքուէի, որ պիտի որոշէ տարածաշրջանը Ռուսիոյ Դաշնութեան միացնելու հարցը, յայտարարած է մարզի ռազմաքաղաքացիական վարչակազմի ղեկավարի տեղակալ Քիրիլ Սթրեմուսով:
Մարզի իշխանութիւնները հանրաքուէի նախապատրաստման համար սկսած են տարածաշրջանին մէջ բնակողներու հաշուառման գործընթացը, յաւելած է Սթրեմուսովը:
Խէրսոնի մարզը կը գտնուի Ուքրանիոյ հարաւը` սահմանակից է Խրիմին: Մարտի կէսերուն Ռուսիոյ Դաշնութեան Պաշտպանութեան նախարարութիւնը յայտնած էր, որ մարզը կը գտնուի ռուսական զօրքերու ամբողջական վերահսկողութեան տակ: Ապրիլի վերջին մարզին մէջ ձեւաւորուած է ռազմաքաղաքացիական վարչակազմ:
