-3.91c
Երեվան
երք, մրտ 10
Իրան ի վիճակի է առնուազն վեց ամիս տեւողութեամբ սաստիկ մարտական գործողութիւններ վարելու, յայտարարած է Իրանի Իսլամական յեղափոխութեան պահակագունդի ներկայացուցիչ Ալի Մոհամմատ Նայինին։
«Իրանի զինուած ուժերը ի վիճակի են ներկայիս թափով առնուազն վեց ամիս սաստիկ պատերազմ վարելու»,– ըսած է Նայէնի, որուն մեկնաբանութիւնը հրապարակած է Իրանի պետական հեռուստառատիոն։
Անոր խօսքով՝ Իրանի զինուած ուժերու զինանոցը կը ներառէ ծանր, պալիսթիք եւ թեւաւոր հրթիռներ, ինչպէս նաեւ տարբեր տեսակի անօդաչու թռչող սարքեր ու հարուածային նաւեր, եւ պատրաստ է լայնածաւալ ու երկարատեւ պատերազմի վարուելու։
«Անհանգստութեան առիթ չկայ»,– աւելցուցած է ան՝ նշելով, որ Իրան մօտ օրերուն մտադիր է օգտագործել աւելի առաջադէմ եւ մինչ այժմ առանձնապէս չկիրառուած հեռահար հրթիռներ։
