Ատրպէյճանի նախագահ Իլհամ Ալիեւ Արցախի բռնագրաւուած Քարվաճառի շրջանի զօրամասերէն մէկուն մէջ յայտարարած է, որ «պատերազմէն յետոյ ատրպէյճանական բանակ աւելի զօրացած է թէ՛ մատակարարումներու, թէ՛ մարտունակութեան առումով»:
«Մենք պիտի շարունակենք լուրջ քայլերու ձեռնարկել մեր բանակը զարգացնելու ուղղութեամբ: Նոր պայմանագրեր կնքուած են ամենաժամանակակից զէնքի գնման համար: Այդ պայմանագրերը արդէն ընթացքի մէջ են, նոր սպառազինութիւններ ու ամենաժամանակակից սարքեր կը մատակարարուին ու պիտի մատակարարուին Ատրպէյճանին: Մեր դիրքերը Հայաստանի հետ սահմանին աւելի պիտի ամրապնդուին: Եթէ Հայաստանը սահմաններու յստակացման հարցով կրկին դիմէ իր մարտավարութեան, փորձէ ժամանակ ձգձգել, ապա ի վերջոյ պիտի զղջայ: Մենք ուշադիր կը հետեւինք ռեւանշիստական ուժերու գործողութիւններուն, որոնք կը փորձեն գլուխ բարձրացնել Հայաստանի մէջ», ըսած է Ալիեւ: