1.09c
Երեվան
չրք, նմբ 13
Իսրայէլի ներկայացուցիչները պատրաստ են Կազայի հատուածին մէջ եւս երեք օրով երկարաձգելու հրադադարը, եթէ պաղեստինեան ՀԱՄԱՍ շարժումն ազատ արձակէ պատանդ բոլոր կիներն ու երեխաները։ Այս մասին յայտնած է The Times-ը՝ վկայակոչելով բանակցութիւններու ընթացքին ծանօթ աղբիւրը:
Հրատարակութեան համաձայն՝ Իսրայէլի իշխանութիւնները կը կարծեն, որ ՀԱՄԱՍ-ը պատերազմի առաջին օրը գերի վերցուցած է մօտ 100 իսրայէլացի կին եւ երեխայ։
Իսրայէլի եւ ՀԱՄԱՍ-ի միջեւ համաձայնեցուած հրադադարի շրջածիրէն ներս, նոյեմբեր 28-ին, ազատ արձակուած է 60 մարդ։ Եւս 10-ն կը նախատեսուի ազատ արձակել նոյեմբեր 29-ին։
Տոհայի մէջ ընթացող բանակցութիւններուն կը մասնակցին նաեւ Եգիպտոսի եւ Միացեալ Նահանգներու ներկայացուցիչները։
