Իրաքի ընտրութիւնները այսօր ընթացք առին

Իրաքի ընտրութիւնները այսօր ընթացք առին

Այսօր՝ Ուրբաթ, յատուկ քուէարկութեան մէջ ընդգրկուած իրաքցի ընտրողները սկսան քուէարկել օրէնսդրական ընտրութիւններուն՝ ընդհանուր քուէարկութենէն երկու օր առաջ: Մինչ իրաքեան ուղղաթիռները կը հետեւին քուէարկութեան գործողութիւններուն:

Յատուկ քուէարկութիւնը կը ներառէ անվտանգութեան ծառայութենէն, գաղթականներէն եւ բանտարկեալներէն կազմուած շուրջ 1,2 միլիոն քուէարկող:

Ընտրական բարձրագոյն յանձնաժողովը յայտարարեց իր պատրաստուածութեան մասին՝ նշելով, որ ՄԱԿ-ի 12 խմբակներ պիտի մասնակցին յատուկ քուէարկութեան դիտարկման: Իր հերթին, Գործողութիւններու համատեղ հրամանատարութիւնը հաստատեց, որ ընտրութիւններու ընթացքին անվտանգութեան որեւէ խախտում կամ քաոս պիտի չթոյլատրուի, յաւելելով, որ յատուկ քուէարկութիւնը կ'ընթանայ ըստ նախատեսուածին: Այս մէկը նաեւ կոչ մըն է քաղաքայիններուն՝ Կիրակի օրը զանգուածաբար մասնակցելու ընտրութիւններուն:

Նախօրէին, «Ասաիպ Ահլ ալ Հաք» շարժման գլխաւոր քարտուղար Քայս Խազաալին յայտնած էր, որ Իրաքը յաջորդ փուլին «կը գտնուի խաչմերուկի առջեւ՝ աւարտած փուլի եւ յառաջիկայ փուլի միջեւ», որ ընտրութիւններուն արդիւնքով պիտի պարզուի, բացատրելով որ Իրաքը, որպէս երկիր, ունի միջոցներ եւ կարողութիւններ, որոնք զայն ատակ կը դարձնեն մեծ դերակատարութիւն կատարելու»: