9.09c
Երեվան
չրք, փտր 25
Հայաստանի ծանրամարտի կանանց հաւաքականի անդամ, 87 քկ քաշային Հռիփիսմէ Խուրշուտեան երկամարտի 227 քկ արդիւնքով (107+120 քկ) պրոնզեայ մետալ նուաճած է Երեւան ընթացող Եւրոպայի ախոյեանութեան մրցումային նախավերջին օրը:
Հռիփսիմէ Խուրշուտեան փոքր պրոնզեայ մետալներ նուաճած է նաեւ պոկում եւ հրում վարժութիւններուն:
Այս քաշային կարգին Հայաստանի միւս ներկայացուցիչ Մարկարիթա Առաքելեան երկամարտի 196 քկ արդիւնքով գրաւած է 7-րդ տեղը: Պոկում վարժութեան Առաքելեան արձանագրած է 85 քկ արդիւնք, իսկ հրում վարժութեան՝ 111 քկ:
Այս քաշային կարգին Եւրոպայի ախոյեանի կոչումը նուաճած է Նորվեկիոյ ներկայացուցիչ Էյլա Ամենա Քոանտան՝ երկամարտի 272 քկ արդիւնքով (117+155 քկ), իսկ արծաթեայ մետալին արժանացած է Ուքրանիոյ ներկայացուցիչ Անաստասիա Մանյեւսքա՝ երկամարտի 238 քկ արդիւնքով (108 + 130 քկ):
Մարզուհիներն առանձին վարժութիւններուն եւս արժանացած են փոքր ոսկեայ եւ փոքր արծաթեայ մետալներուն համապատասխանաբար:
