• 128
• 22/10/2024

Հրեայ գործարարը 100,000 տոլար առաջարկած է պաղեստինցիներուն, որոնք Իսրայէլին կը յանձնեն Կազայի մէջ պահուող գերիներուն

Հրէական արմատներով ամերիկացի գործարար Տանիէլ Պիրնպաումը 100,000 տոլար խոստացած է Կազայի հատուածի բնակիչներուն, որոնք Իսրայէլին կը յանձնեն Կազայի մէջ՝ «Համաս» խմբաւորման մօտ պահուող իսրայէլցի գերիները: Այս մասին գրած է «Times of Israel»-ը:

Արաբերէն ենթագրերով տրուած իր տեսաուղերձին մէջ SodaStream-ի նախկին գործադիր տնօրէն Տանիէլ Պիրնպաումը ըսած է.«Սա սարսափելի տարի էր... իւրաքանչիւր ոք, որ Կազայէն կը բերէ կենդանի իսրայէլցի բանտարկեալ, կը ստանայ 100,000 տոլար, որ կը վճարուի կամ կանխիկ կամ պիթքոյնով, ինչպէս նախընտրէք»:

Ան աւելցուցած է, որ առաջարկը կը գործէ միայն մինչեւ չորեքշաբթի կէսգիշեր եւ տրամադրած է հեռախօսահամար, որով կարելի է իր հետ կապ հաստատել Telegram-ի կամ WhatsApp-ի միջոցով:

Կ՚ենթադրուի, որ հոկտեմբեր 7-ին «Համաս»-ի կողմէ առեւանգուած 251 պատանդներէն 97-ը կը մնան Կազայի մէջ։

Միացիր մեզ Տելեգրամում

Սեղմել այստեղ

Միացիր մեզ Յութուբում

Սեղմել այստեղ

Միացիր մեզ Տելեգրամում

Միացիր մեզ Յութուբում

Կիսուիլ