Թուրքիոյ կառավարութիւնը յոյսով է, որ 2023 թուականի սկիզբը կը կարողանայ կոտրել բարձր գնաճի «ողնաշարը»։ Ինչպէս կը տեղեկացնէ «ՌԻԱ Նովոստի»ն, այս յայտարարութիւնը ըրած է Թուրքիոյ նախագահ Ռեճէպ Թայէպ Էրտողանը։
Նոյեմբերին Թուրքիոյ մէջ տարեկան գնաճը 1.5 տարուան ընթացքին առաջին անգամ դանդաղած է` հոկտեմբերին գրանցած 85,51%–էն հասնելով 84,39%։ Նոյեմբերին սպառողական գիներու աճը, պաշտօնական տուեալներով, կազմած է 2,88%։
«Մենք քայլ առ քայլ կը լուծենք գնաճի խնդիրը... Ձեռնարկած միջոցառումներու շնորհիւ յոյս ունինք գալիք տարեսկզբին կոտրել գնաճի ողնաշարը», – Money Talks ծրագրի եւ խումբի գագաթնաժողովի մասնակիցներուն ուղղուած տեսաուղերձին մէջ ըսած է Էրտողան։
Թուրքիոյ նախագահի խօսքով` այն մակարդակը, որուն երկիրը կարճ ժամանակի մէջ հասած է պաշտպանական արդիւնաբերութեան ոլորտին մէջ, ազգային հպարտութեան առարկայ դարձած է»։
«2002 թուականին պաշտպանական արդիւնաբերութեան արտադրանքի արտահանումը կազմած էր ընդամէնը 248 միլիոն տոլար, իսկ նախորդ տարի մենք մրցանիշ սահմանած էինք` 3 միլիառ 224 միլիոն տոլար։ Այս տարի կ'ակնկալենք, որ արտահանման ցուցանիշը աւելի քան 3 միլիառ տոլար կազմէ»,– ըսած է Էրտողան։
Յիշեցնենք` Թուրքիոյ նախագահը 30 նոյեմբերին իշխող «Արդարութիւն եւ զարգացում» կուսակցութեան նիստին յայտարարած էր, որ այս տարի երկրին մէջ տնտեսական մտցանշային աճ պիտի գրանցուի։