-5.91c
Երեվան
չրք, դկտ 24
Հինգշաբթի «Մոսկուա» յածանաւի խորտակումը «մեծ հարուած» էր Ռուսաստանի ռազմածովային ուժերուն Սեւ ծովին մէջ, յայտարարած է Փենթակոնը:
«Սա մեծ հարուած է Սեւծովեան նաւատորմի համար, այդ կարեւոր բաղադրիչ էր Սեւ ծովին մէջ որոշակի գերակայութիւն հաստատելու անոնց փորձին համար: Այդ պիտի ազդէ անոնց կարողութուններուն վրայ», ըսած է Փենթակոնի խօսնակ Ճոն Քիրպին:
Քիրպին ըսած է, որ ԱՄՆ-ը չի կրնար հաստատել նաւի խորտակման ստոյգ պատճառը:
«Մենք չենք կրնար հերքել ուքրանական կողմին վարկածը: Շատ հաւանական է եւ հնարաւոր է, որ անոնք իրականութեան մէջ յարձակած են ռուսական յածանաւի վրայ «Նեփթուն» հրթիռով կամ գուցէ այլ բանով», ըսած է Քիրպին:
Յիշեցնենք, որ «Մոսկուա» հրթիռային յածանաւը փոթորիկի պայմաններու մէջ դէպի նպատակակէտ քարշակած ատեն խորտակուած է` զինամթերքի պայթումէն յառաջացած հրդեհի հետեւանքով ստացած վնասման պատճառով:
Մինչդեռ ուքրանական կողմը կը պնդէ, որ իրենց արձակած «Նեփթուն» թեւաւոր հրթիռներու հարուածի հետեւանքով հզօր պայթումներ եւ հրդեհ տեղի ունեցած է «Մոսկուա» յածանաւին մէջ:
Նշենք, որ Forbes հանդէսը ռուսական յածանաւի արժէքը գնահատած է 750 միլիոն տոլար` ընդգծելով, որ այն դարձած է Ռուսաստանի Դաշնութեան ամենաթանկ ռազմական կորուստը Ուքրանիոյ պատերազմին:
