14.88c
Երեվան
երկ, հնս 15
Ուրբաթ, 12 Յունիս 2026-ին, Թուրքիոյ իշխող «Արդարութիւն եւ Բարգաւաճում» կուսակցութեան (ԱՔ Փարթի) Իսթանպուլի նահանգային նախագահ Ապտուլլահ Օզտեմիր, Սկիւտարի շրջանի իր ծրագիրներուն ծիրէն ներս, այցելեց Գուզկունճուքի Սուրբ Գրիգոր Լուսաւորիչ եկեղեցին։
Ուրբաթօրեայ աղօթքը Գուզկունճուքի մզկիթին մէջ կատարելէ ետք, Օզտեմիր եւ իր ընկերակիցները ժամանեցին եկեղեցի, ուր զիրենք դիմաւորեցին եկեղեցւոյ հոգեւոր հովիւ Հայր Թէոդիկ Չեթինքայան եւ եկեղեցւոյ վարչական պատասխանատու Քոյր Հռիփսիմէ Թերզեան։ Այցելութեան ընթացքին ներկայ էին նաեւ «ԱԶԳ» կուսակցութեան Սկիւտարի շրջանային նախագահ Թահա Սարըճաողլուն եւ կուսակցական պատասխանատուներ։
Հանդիպման ընթացքին կողմերը մտքեր փոխանակեցին հասարակական համերաշխութեան, փոխադարձ յարգանքի եւ միասին ապրելու մշակոյթին շուրջ։ Իր խօսքին մէջ Ապտուլլահ Օզտեմիր շնորհակալութիւն յայտնեց Հայր Թէոդիկ Չեթինքայանին՝ ջերմ հիւրընկալութեան համար։
