12.09c
Երեվան
ուրբ, նմբ 22
Պաղեստինեան ՀԱՄԱՍ խմբաւորումը մինչեւ առաւօտեան ժամը 7-ը Իսրայէլին չէ տրամադրած պատանդներու ցուցակը, որոնք պէտք է այսօր ազատ արձակուին: Բացի այդ, ՀԱՄԱՍ-ը խախտած է հրադադարի պայմանաւորուածութիւնը եւ հրթիռներ արձակած է Իսրայէլի ուղղութեամբ։
Ի պատասխան Իսրայէլի պաշտպանութեան բանակը յայտարարած է, որ վերսկսած է խմբաւորման դէմ յարձակումները, գրած է timesofisrael.com-ը:
Իսրայէլի պաշտպանութեան բանակը նաեւ նշած է, որ իր կործանիչները օդային հարուածներու շարք կ՚իրականացնէ Կազայի հատուածին մէջ ՀԱՄԱՍ-ի թիրախներու ուղղութեամբ:
Երկրի վարչապետ Բենիամին Նաթանիահուի գրասենեակի յայտարարութեան մէջ ըսուած է, որ ՀԱՄԱՍ-ը «խախտած է պայմանաւորուածութիւնը, չէ կատարած բոլոր պատանդ կիները ազատ արձակելու իր պարտաւորութիւնը եւ հրթիռներ արձակած է Իսրայէլի վրայ»:
«Մարտերու վերսկսման պայմաններուն մէջ մենք կը շեշտենք, որ Իսրայէլի կառավարութիւնը յանձնառու է հասնելու պատերազմի նպատակներուն՝ ազատ արձակել մեր պատանդները, վերացնել ՀԱՄԱՍ-ը եւ երաշխաւորել, որ Կազան երբեք այլեւս չկարենայ սպառնալ Իսրայէլի ժողովուրդին»,-ըսուած է յայտարարութեան մէջ:
