23.31c
Երեվան
կրկ, հնս 21
Իտալիոյ վարչապետ Ճորճիա Մելոնի կոշտ կերպով արձագանգած է իր վարկանիշի մասին ԱՄՆ-ի նախագահ Տանըլտ Թրամփի յայտարարութիւններուն։
«Ինչ կը վերաբերի իմ ժողովրդականութեան, ապա ձեր ընկերը ըլլալը ատոր չէ նպաստած, եւ այդ կախեալ չէ ձեզի հետ ունեցած իմ յարաբերութիւններէս, այլ՝ ազգային շահերը պաշտպանելու իմ կարողութենէս։
Իմ ժողովրդականութիւնը կախեալ է Իտալիոյ ազգային շահերը պաշտպանելու իմ կարողութենէս, եւ ես միշտ ալ այդպէս վարուած եմ։ Նոյնը ըրած եմ Իտալիոյ մէջ գտնուող ամերիկեան ռազմակայաններուն պարագային։ Անոնց օգտագործումը կը կարգաւորուի համաձայնագիրներով, որոնք մենք միշտ յարգած ենք եւ որոնք չեն կրնար խախտուիլ, քանի դեռ ես վարչապետ եմ», ըսած է Մելոնի՝ պատասխանելով այն մեղադրանքին, թէ ինք կ՚արգիլէ իտալական ռազմակայաններու օգտագործումը Իրանի դէմ պատերազմի համար։
Ան նաեւ նշած է, որ Թրամփ աւելի լաւ կ՚ըլլայ, եթէ կեդրոնանայ իր իսկ ժողովրդականութեան վրայ։
Աւելի վաղ, ԱՄՆ-ի նախագահ Տանըլտ Թրամփ յայտարարած էր, թէ Ֆրանսայի մէջ կայացած G7-ի գագաթաժողովին շրջածիրէն ներս Իտալիոյ վարչապետ Ճորճիա Մելոնի աղաչած է զինք՝ միասին լուսանկարուելու համար։
Յիշեցնենք, որ աւելի վաղ Թրամփ Մելոնին, ինչպէս նաեւ բոլոր եւրոպացի ղեկավարները, մեղադրած էր Իրանի եւ Հորմուզի նեղուցի հարցերուն մէջ օգնել չցանկանալու համար։
