Այսօր յետմիջօրէին Հալէպի հայկական թաղամասերը դարձեալ թիրախ դարձած են ահաբեկիչ զինեալներու հրթիռարձակումներուն: Այս մասին «Արեւելք» տեղեկութիւն ստացաւ Հալէպի իր աղբիւրէն: Հալէպի մեր աղբիւրը նաեւ նշեց, որ այսօր յետմիջօրէին հրթիռներ ինկած են հայկական Վիլլաներ եւ Սուլէյմանիյէ թաղամասերուն վրայ: Մեր աղբիւրին համաձայն, հրթիռարձակումներու հետեւանքով արձանագրուած են զոհեր եւ վիրաւորներ: Զոհերուն մէջ կան յղի կին մը եւ երեխաներ: Ցարդ հաղորդուած տեղեկութիւններուն համաձայն, հայ զոհերու եւ վիրաւորներու գոյութեան մասին տուելաներ չկան: