Զաւէն Պիպէռեանի «Լկրտածը» Գիրքի Թարգմանիչը Պիտի Դասախօսէ Փարիզի Հայ Տունին Մէջ

Զաւէն Պիպէռեանի «Լկրտածը» Գիրքի Թարգմանիչը Պիտի Դասախօսէ Փարիզի Հայ Տունին Մէջ

Փարիզի մէջ, Զաւէն Պիպէռեանի «Լկրտածը» վերնագրով վէպի ֆրանսերէնի թարգմանութեան առթիւ, Ժիրայր Մալխասեանի կազմակերպութեամբ տեղի պիտի ունենայ դասախօսութիւն, որ պիտի կայանայ Չորեքշաբթի 27, Յունուար 2016-ին, ժամը 20:30-ին,  Փարիզի Միջազգային համալսարանական ոստանի Հայ ուսանողներու տան մէջ: Նշենք, որ 20-րդ դարու հայ գրականութեան լաւագոյն վէպի հեղինակ՝ Զաւէն Պիպէռեանի գիրքի թարգմանիչն է պատմական գիտութիւններու Տոքթ.՝ Էրվէ Ժորժըլէնին, որ գրած է բազմաթիւ յօդուածներ Օսմանեան կայսրութեան (ոչ իսլամներու) տնտեսական, սոցիալական եւ մշակութային կեանքի մասին, հրապարակած է պատմաբանական աշխատութիւն Զմիւռնիոյ (Իզմիր) մասին, ինչպէս նաեւ ի թիւս այլ գործերու՝  Ֆրանսերէնի թարգմանած է պոլսահայ գրողներու 4 գիրքեր՝ Անտոնեանի «Այն սեւ օրերուն»,  «Աքսորի ճամբուն վրայ» եւ Պիպէռեանի  «Մրջիւններու Վերջալոյսը»ն ու «Լկրտածը»: