28.09c
Երեվան
երկ, հլս 14
Վրաստանի մէջ կիրակի իրականացուած նախագահական ընտրութիւններու արդիւնքով նախագահի անկախ թեկնածու Սալոմէ Զուրապիշվիլին, որուն կ'աջակցի երկրի մէջ իշխող «Վրացական երազանք» կուսակցութիւնը, հաւաքած է 50%-է պակաս ձայն՝ 38,6%: Այդ մասին, ինչպէս կը յայտնէ ՌԻԱ Նովոսթի գործակալութիւնը, ըսուած է երկրի կեդրոնական ընտրական յանձնաժողովի կայքին մէջ՝ ձայներու 98,25% տոկոսի հաշուարկէն ետք:
Ընդդիմութենէն թեկնածու Կրիկոլ Վաշաձէն հաւաքած է 37,75% ձայն: Ան Զուրապիշվիլիի հետ դուրս եկած է նախագահական ընտրութիւններու երկրորդ փուլ: Նշենք, որ առաջին փուլին նախագահ ընտրուելու համար հարկաւոր էր 50% ձայն հաւաքել:
Վրաստանի մէջ նախագահական ընտրութիւններուն մասնակցութիւնը եղած է 46,74%: Նախընտրական պայքարին մասնակցած է 25 թեկնածու:
Սա կը համարուի ուղիղ քուէարկութեան միջոցով վերջին ընտրութիւնները, 2023 թուականէն երկրի ղեկավար կ'ընտրեն 300 պատուիրակները:
