Վերջին ժամ. Նախագահ Աունի խօսքէն ետք ճանապարհներու փակում. Կրակոց եւ զոհ

Վերջին ժամ. Նախագահ  Աունի  խօսքէն  ետք ճանապարհներու փակում. Կրակոց եւ զոհ

Լիբանանի  Հանրապետութեան  նախագահ զօր.  Միշէլ Աունի՝      լրագրողներու հետ  ունեցած  զրոյցէն   ետք   հարիւրաւոր լիբանանցիներ   բողոքի   հաւաքներու անցան եւ անիւներ   հրկիզելով տասնեակ  ճանապարհներ   փակեցին։

Այս մասին տեղեկութիւնը հաղորդեց «Էլ. Պի. Սի. Այ.»   կայանը,  նշելով, որ    բողոքարարներ,   դժգոհելով   նախագահի  խօսքէն,    մասնաւորապէս փակեցին   Ռինկի, Զուքի, Պահսասի եւ  Հասպայայի    ճանապարհները։

Հրկիզուած    անիւներով    գոց   ճանապարհները  մինչեւ այս  պահը կը շարունակեն  մնալ  փակ։

Նշենք նաեւ, որ     հաւաքներուն զուգահեռ      եւ վէճի արդիւնքով   եղած  կրակոցին    պատճառով   մահացաւ  մէկ  քաղաքացի,     դէպքին վայր  հասան   Լիբանանի ապահովական մարմիններու   ներկայացուցիչներ։

Զոհուած   քաղաքացին  կը կոչուի  Ալլա  Ապու  Ալ  Ֆախըր, ըստ նախնական տուեալներու,   ան  վիճաբանած  է    շրջանէն  անցնող    անցորդներու հետ, որոնք կրակ  բացած  ու սպաննած են զինք։

Լրատուական աղբիւրներ  նոյնպէս  կը հաղորդեն, որ  բողոքելու համար փողոց իջած  ցուցարարներուն գլխաւոր դժգոհութեան պատճառը  նախագահ Աունի  գործնական  լուծում չտալն է եւ   «ան որ դժգոհ է  երկրէն  թող  արտագաղթէ»  խօսքն է։

«Արեւելք»  յառաջիկայ ժամերուն աւելի մանրամասն կերպով  պիտի  ներկայացնէ     նախագահ Աունի   զրոյցին գլխաւոր   կէտերը։