-2.91c
Երեվան
ուրբ, դկտ 06
Վերջին ամիսներին Սիրիայում իրավիճակը սրվելու հետևանքով Հայաստան է տեղափոխվել եւս 2500 սիրիահայ:
Այս մասին Ազգային ժողովում կառավարության հետ հարց ու պատասխանի ընթացքում հայտնել է ՀՀ սփյուռքի նախարար Հրանուշ Հակոբյանը՝ պատասխանելով ՀՀԿ խմբակցության պատգամավոր Սամվել Ֆարմանյանի հարցին:
«Ցավոք, Սիրիայում իրավիճակը գնալով սրվում է: Երեկ էլ Հալեպում պայթյուն էր որոտացել, որի հետևանքով 20 մարդ էր զոհվել: Բարեբախտաբար, մեր հայրենակիցներից որևէ մեկը չի տուժել: Ընդհանուր առմամբ, մայիսյան իրադարձություններից հետո Հայաստան է եկել ևս 2500 սիրիահայ: Սեպտեմբերի 1-ի դրությամբ մոտ 300-ը վերադարձան Սիրիա: Սեպտեմբերի 15-ից սկսվել է ուսումնական շրջանը, և մենք ցանկանում ենք պարզել, թե քանի սիրիահայ երեխա է դպրոց հաճախելու: Մեր տվյալներով` այս պահին Հալեպում մոտ 7-8 հազար հայ է մնացել, իսկ ընդհանրապես Սիրիայում՝ մոտ 15-16 հազար»,- նշել է Հրանուշ Հակոբյանը:
Նախարարը հայտնել է, որ հանդիպել է Բերիո Հայոց թեմի առաջնորդ Շահան Արք. Սարգսյանի հետ, քննարկվել են սիրիահայերին անհրաժեշտ օգնություն տրամադրելու հետ կապված հարցեր:
«Այս պահին մենք ֆինանսական միջոցների կարիք ունենք Սիրիայում հայկական որբանոցի և ծերանոցի խնդիրները լուծելու համար»,- նշել է Հակոբյանը՝ կարևորելով այն հանգամանքը, որ Հայաստան ժամանած սիրիահայերին օգնելու համար ՀՀ կառավարությունն անում է ամեն ինչ՝ լուծելով նրանց առաջնային խնդիրները:
Հրանուշ Հակոբյանը կոչ է արել բոլորին անել հնարավոր ամեն բան՝ պատերազմի հետևանքով Սիրիայից ՀՀ եկած սիրիահայերին Հայաստանի հասարակությանն ինտեգրելու հարցում:
լուսանկարը`washingtonpost-ի
