Երեւանի Հանրապետութեան Հրապարկի մէջ այս պահուս տեղի կ'ունենայ Հրանդ Տինքի սպաննութեան 9-րդ տարելիցին նուիրուած մոմվառութիւն:
Ոգեկոչման հանդէսը սկիզբ առած էր այսօր, ժամը 17:00-ին Երեւանի քաղաքապետարանի շէնքի առջեւ, ուր հաւաքուած խումբը նախքան մոմավառութեան վայր մեկնիլը, իրականացուցած է ստորագրահաւաք, Երեւանի թաղամասերէն մէկը Տինքի անունով կոչելու գրաւոր կոչին տակ, զայն Քաղաքապետարան ներկայացնելու համար:
Այնուհետեւ Քաղաքապետարանի շէնքի առջեւէն կազմակերպուած երթին մասնակցելով, ոգեկոջող խումբը հասած է Հանրապետութեան հրապարակ, ուր սկսած է Տինքի յիշատակի մոմավառութեան արարողութիւնը:
Նշենք, որ այսօր, Տինքի սպաննութեան 9-րդ տարելիցին յիշատակի ոգեկոչման արարողութիւններ իրականացուած են նաեւ Պոլսոյ, Անգարայի եւ Պուրսայի մէջ, ինչպէս նաեւ միջոցառումներ նախատեսուած էին տարբեր երկիրներու՝ Գերմանիոյ, Շուէտի, Գանատայի եւ Ֆրանսիայի մէջ:
Լուսանկարները՝ Լարա Ահարոնեանին