Սուրիոյ Մէջ ՀՀ Դեսպանի Հանդիպումը Խորհրդարանի Նախագահին Հետ

Սուրիոյ Մէջ ՀՀ Դեսպանի Հանդիպումը Խորհրդարանի Նախագահին Հետ

 Հալէպ- («Perio News For Syrian Armenians & more»- Սուրիա)- 14 Յունուարին Սուրիոյ Խորհրդարանի նախագահ, դոկտ. Մուհամմատ Ժիհատ ալ-Լահամը ընդունեց Սուրիոյ մէջ ՀՀ դեսպան փրոֆ. դոկտ. Արշակ Փոլատեանը, կը գրէ «Perio News»ը:Ֆէյսպուքեան  էջը կը  նշէ նաեւ, որ զրոյցի ընթացքին քննարկուած են Սուրիոյ ներքաղաքական ճգնաժամի զարգացումները, ինչպէս նաեւ տարածաշրջանային երկկողմ հետաքրքրութիւն ներկայացնող շարք մը հարցեր: Անդրադարձ կատարուած է հայ-սուրիական յարաբերութիւններու հեռանկարներուն, մասնաւորապէս, ընդգծուած է միջխորհրդարանական համագործակցութեան կարեւորութիւնը: Հանդիպման ընթացքին Սուրիոյ խորհրդարանի նախագահը կարեւորած է 2015-ի Ապրիլին` Հայոց ցեղասպանութեան 100-րդ ամեակին նուիրուած պետական միջոցառումներու շրջածիրին մէջ Երեւան կատարած իր պաշտօնական այցը` ընդգծելով այդ ձեռնարկներու քաղաքական մեծ նշանակութիւնը Հայոց ցեղասպանութեան միջազգային ճանաչման եւ դատապարտման հարցին: Հանդիպման աւարտին Սուրիոյ Խորհրդարանի նախագահ Մուհամմատ Ժիհատ ալ-Լահամը անգամ մը եւս իր համերաշխութիւնը յայտնած է բարեկամ հայ ժողովուրդին: