Սիրիայի Քեսաբ հայաբնակ գյուղը իսլամիստների կողմից գրավվելուց հետո գյուղից ամենավերջինը հեռացած հայը` Հայրապետ Հայրապետյանը երեկ ինքնասպանություն է գործել: Այս մասին «Արեւելքին» հայտնեց գյուղի համայնքային կառույցներից մեկի աշխատողը, նշելով, որ Քեսաբի ծանր օրերը հաղթահարած երիտասարդը, գյուղի վրա գրոհի ժամանակ դիմանալով դժվարություններին, կյանքին վերջ է տվել, երբ գյուղն արդեն ազատագրվել է, բնակիչները վերադարձել են, և կյանքը Քեսաբում համեմատաբար ավելի խաղաղ է: Հայրապետ Հայրապետյանը գյուղում հայտնի է Հայրո անունով, նա 35 տարեկան էր, զբաղվում էր հողագործությամբ, ամուսնացած չէր: Մեր տեղեկություններով, հայ երիտասարդը Սիրիայի պատերազմի հետևանքով նյութական խնդիրների առջև էր կանգնել: