image

Փութինի նկատմամբ բարեկամական վերաբերմունքը իմ ամենամեծ սխալն էր․ Չեխիոյ նախկին նախագահ

Փութինի նկատմամբ բարեկամական վերաբերմունքը իմ ամենամեծ սխալն էր․ Չեխիոյ նախկին նախագահ

Չեխիոյ նախկին նախագահ Միլոշ Զեմանը յայտարարած է, թէ Ռուսիոյ նախագահ Վլատիմիր Փութինի նկատմամբ իր բարեկամական վերաբերմունքը կը համարէ ամենամեծ սխալն իր սեփական քաղաքական ասպարէզին մէջ։

Այս մասին քաղաքական գործիչն ըսած է Nova չեխական հեռուստակայանի թղթակցի հետ զրոյցին:

«Ես բացարձակ սխալ գտնուեցայ Վլատիմիր Փութինի հարցով, միայն անխոհեմ մարդը կրնար այնպիսի ողբերգական սխալ թոյլ տալ, ինչպիսին էր Ուքրանիա ներխուժելը»,- նշած է 79-ամեայ քաղաքական գործիչը, պատասխանելով այն հարցին, թէ որն է իր նախագահութեան տարիներու ամենամեծ ձախողումը:

Միլոշ Զեմանը նախագահի պաշտօնը զբաղցուցած է 2013 թուականէն մինչեւ 2023 թուականի մարտը։ Աւելի վաղ ան զբաղցուցած է Չեխիոյ վարչապետի պաշտօնը:

Ան Չեխիոյ առաջին նախագահն է, որ ընտրուած է համաժողովրդական քուէարկութեամբ։ Անոր անուանած են «Վլատիմիր Փութինի ընկերը»։