-4.91c
Երեվան
հնգ, նմբ 30
Լուսանկարիչ Նազիկ Արմենակյանի «Վերապրածներ» գրքի լուսանկարներից մեկն ընդգրկվել է Time ամսագրի ընտրանու մեջ, որ ներկայացնում է աշխարհի 34 երկրներից կին լուսանկարիչների աշխատանքներ: Լուսանկարներն ընտրել են միջազգային հայտնի կուրատորներն ու խմբագիրները, որոնք հնարավորինս անաչառ կերպով կազմել են ժամանակակից կին լուսանկարիչների երեք տասնյակը:
Նազիկ Արմենակյանի «Վերապրածներ»-ը մեծածավալ լուսանկարչական պատում է Հայոց ցեղասպանությունից ողջ մնացածների մասին, որն ընդգրկում է դիմանկարներ, ինտերիերի պատկերներ, ականատեսների վկայություններ և արխիվային լուսանկարներ։ Նախագիծն ընդգծում է լուսանկարչության կարևորությունը՝ 1915-ը ընկալելու և անհատական ինքնության վրա դրա հետևանքները ըմբռնելու գործում: Լուսանկարիչն այն ստեղծել է տասը տարվա ընթացքում: Վերապրածներ» ֆոտոգիրքը լուսանկարիչ Նազիկ Արմենակյանի երկրորդ գիրքն է «Մենակության շտամպ»-ից հետո:
Հեղինակավոր Time-ում տպագրվելու առթիվ Նազիկ Արմենակյանն «Արևելք»-ի հետ զրույցում ասաց, որ իրականում այն մեծ գնահատական է համարում. «Ուրախ եմ եւ հպարտ»-ասաց լուսանկարչուհին:
Ընտրված լուսանկարը. հեղինակ՝ Նազիկ Արմենակյան
