3.09c
Երեվան
երկ, դկտ 08
ՀՅԴ Բիւրոյի անդամ Սպարտակ Սէյրանեան
Առաջիկայում յստակ կը դառնայ, թէ որտեղից է ազդակը եւ ինչու է յատկապէս հիմա փորձ արւում ՀՀ քաղաքական օրակարգ բերել Թուրքիայի հետ յարաբերութիւնների հարցը։ Համոզուած եմ․ Հայաստանի հետ յարաբերութիւնների կարգաւորման հիմքում Թուրքիան դնելու է յստակ նախապայմաններ։ Նախ եւ առաջ Հայաստանը հրաժարւում է Հայոց ցեղասպանութեան ճանաչման եւ դրանից բխող որեւէ գործընթաց ՊԵՏԱԿԱՆ ՄԱԿԱՐԴԱԿՈՎ հետապնդելուց։
Բոլոր հիմքերն ունեմ մտահոգուելու, որ Հայաստանի ներկայիս իշխանութիւնը կը համաձայնի, բայց իրեն բնորոշ լղոզուած մի ձեւակերպմամբ կը փորձի դա անել։ Այն է՝ Ցեղասպանութեան ճանաչման գործընթացը Սփիւռքի գործն է իսկ Հայաստանը կը ցուցաբերի «բարոյական» աջակցութիւն։
Սա՝ ի պատասխան այն հարցադրումներին, թէ «էլ ինչ ունի անելու» գործող վարչախումբը եւ ինչու է պէտք նրանից ժամ առաջ ազատուել։
