Միլանոյի մէջ. Հայ ձեւագէտները բողոքի ձայն բարձրացուցին ընդդէմ Ատրպէյճանի

Միլանոյի մէջ. Հայ ձեւագէտները բողոքի ձայն բարձրացուցին ընդդէմ Ատրպէյճանի

Միլանի մէջ ընթացող Emerging Talents Milan նորաձեւութեան միջոցառման ընթացքին հայ ձեւագէտներն աշխարհին կոչ ըրած են Հայաստանի կողքին ըլլալու`դատապարտելով ատրպէյճանական յարձակումը:

Հագուստներու ցուցադրութիւնը սկսելէ առաջ մեծ պաստառին յայտնուած է հետեւեալ գորւթիւնը. «Մինչեւ ցուցադրութիւնը սկսիլը, հայ ձեւագէտները կը բարձրացնեն իրենց ձայնը եւ կը խնդրեն կանգնիլ Հայաստանի կողքին՝ դատապարտելով Ատրպէյճանի յարձկումը»:

Հաղորդագրութեան աւարտին հայ ձեւագէտները`Stand with Armenia գրութեամբ շապիկներով, ոտքի կանգնած են հանդիսատեսի միջէն եւ բարձրացած բեմահարթակ: Քայլը հանդիսատեսի կողմէ ընդունուեցաւ ծափահարութիւններով:

Նորաձեւութեան եւ ձեւաւորման պալատ Հասարակական կազմակերպութիւնը իր ինսթակրամեան էջին տարածած է տեսանիւթն ու լուսանկարները՝ յիշեցնելով, որ 13 սեպտեմբերին Ատրպէյճանը յարձակում սկսած է եւ ներխուժած Հայաստանի ինքնիշխան տարածք, որու հետեւանքով զոհուած են հարիւրաւոր զինուորներ, խաղաղ բակիչներ, գնդակոծուած են տուներ եւ ենթակառուցուածքներ, սպանուած եւ անդամահատուած է 3 երեխաներու մայր:

Ցուցադրութեան մասնակցած են Վահան Խաչատրեանը, Ֆաինան, Արիգա Թորոսեանը եւ Նելլի Սերոբեանը, ինչպէս նաեւ LOOM Weaving, Kivera,  RUZANE (Ռուզաննա Վարդանեան), SONCESS եւ Just Black ապրանքանիշները ներկայացնող ձեւագէտները: