Օդագնացության եւ տիեզերական տարածության հետազոտությունների ազգային վարչությունը` ՆԱՍԱ-ն օրերս պաշտոնական հայտարարություն է արել, որը համարվում է պատմական. ամերիկյան հանրահայտ կառույցը հայտարարել է, որ Մարսի վրա ջուր կա: Ինչպես «Արեւելքին» հայտնեց ՆԱՍԱ-ի Ռեակտիվ շարժման լաբորատորիայի (JPL)-ի հայազգի ինժեներ Ռիչարդ Օհանյանը, առայժմ պարզ չէ, թե որտեղի՞ց է գալիս Մարսի ջուրը, գիտնականների տեսակետներն այս առումով մի քանի մասին են բաժանվում: Ռիչարդ Օհանյանը շատ կարեւոր համարեց ՆԱՍԱ-ի այս բացահայտումը, նշելով, որ հաջորդ փնտրտուքը տանում է դեպի Մարսի վրա կյանք որոնելուն:
Ե ՞րբ է մարդը իջնելու Մարսի վրա եւ ի ՞նչ ուղղությամբ է ՆԱՍԱ-ն նախագծում իր հաջորդ մարսագնացը, որը Կարմիր մոլորակի վրա է իջնելու 2020 թվականին: Այժմ Մարսի վրա աշխատող «Curiosity» մարսագնաց ծրագրի մասնակից, Գլենդելի համայնքային քոլեջի դասախոս Ռիչարդ Օհանյանի հետ հարցազրույցի մանրամասները կներկայացնենք ավելի ուշ: Իսկ մինչ այդ հայ ինժեները հաստատեց, որ 2015 թվականի ապրիլի 24-ին Մարսի վրա Գառնի հայկական տեղանվան նմանությամբ խառնարան է անվանակոչվել: