image

Պոլսոյ ազնուական հայուհիներէն Անժէլ Արսլանեանի մահուան առաջին տարելիցը

 Պոլսոյ   ազնուական  հայուհիներէն  Անժէլ  Արսլանեանի  մահուան առաջին տարելիցը

  Օրերս Պոլսոյ  մէջ ոգեկոչուած է  տարի մը առաջ  իր սիրելիներէն առ այւէտ բաժնուած ազնուական հայուհի՝ Անժէլ Արսլանեանը։

 Յիշեցնենք, որ  Անժէլ Արսլանեան  տիկինն էր  Պոլսահայ շրջանակներուն մէջ   յարգուած  անուն եւ  վարկ ունեցող    անուանի բարերար՝ Տիար Հայկ Արսլանեանի։

Այս  մասին  «Արեւելք» իմացաւ   մեր պաշտօնակից ՝«Ժամանակ»էն, որ մասնաւորապէս կը գրէ ՝

 Շիշլիի գերեզմանատան մէջ, մահուան առաջին տարելիցին առթիւ ոգեկոչուեցաւ լուսահոգի Անժէլ Արսլանեան, որու յիշատակին շուրջ համախմբուեցան համայնքային շրջանակներէն բազում դէմքեր։ Ան ո՛չ միայն մեծ յարգանքի ու համակրանքի արժանացած դէմք մըն էր, նաեւ ամենասիրելի կողակիցը՝ երախտաշատ բարերար Հայկ Արսլանեանի։

Բարեյիշատակ Անժէլ Արսլանեանի շիրմին շուրջ համախմբուածներուն միացան Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, Տ. Արամ Արք. Աթէշեան եւ այլ հոգեւոր հայրեր, որոնք առ Աստուած աղօթք բարձրացուցին հանգուցեալի յաւիտենական նենջի խաղաղութեան համար։ Հոգեհանգստեան պաշտօնի աւարտին բոլորը իրենց բարոյական զօրակցութիւնը արտայայտեցին Հայկ Արսլանեանին եւ հարազատներուն նկատմամբ, որոնց հետ բաժնեցին նաեւ հանգուցեալին վերաբերեալ իրենց վառ վկայութիւնները։