image

Կաթողիկէ Սուրբ Աստուածածին եկեղեցւոյ բակին մէջ յայտնաբերուած է տղամարդու դի

Կաթողիկէ Սուրբ Աստուածածին եկեղեցւոյ բակին մէջ յայտնաբերուած է տղամարդու դի

Այսօր՝ ապրիլ 11-ին, ողբերգական դէպք տեղի ունեցած է Երեւանի մէջ։ Երեւանի Կաթողիկէ Սուրբ Աստուածածին եկեղեցւոյ այգիին մէջ տղամարդու դի յայտնաբերուած է: Տեղեկութիւնը յայտնած է shamshyan.com-ը։

Մասնաւորապէս, ժամը 07։20-ի սահմաններուն Երեւանի 1-03 շտապօգնութեան կայանէն ոստիկանութեան կեդրոնական բաժին ահազանգ ստացուած է, որ շտապօգնութեան 06 խումբը կանչով մեկնած է նշուած եկեղեցւոյ բակ, ուր ալ յայտնաբերուած է տղամարդու դին։

Դատաբժիշկի նախնական եզրակացութեան համաձայն՝ արտաքին զննութեամբ դիակի վրայ բռնութեան հետքեր չեն յայտնաբերուած:

Ոստիկանութեան ծառայողները պարզած են, որ մահացածը Երեւանի բնակիչ 57-ամեայ Ռ․ Պ․-ն է։ Քննիչի որոշմամբ՝ նշանակուած է դիակի դատաբժշկական փորձաքննութիւն։