image

Հալէպի մէջ. Կոմիտասի անուան երաժշտանոցի յանձնախումբը՝ Սրբազանին հիւր

Հալէպի մէջ. Կոմիտասի անուան երաժշտանոցի յանձնախումբը՝ Սրբազանին հիւր

Օրերս Հալէպի մէջ գործող Կրթասիրաց Մշկթ. Միութեան «Կոմիտասի Անուան Երաժշտանոց»-ի յանձնախումբը այցելութիւն մը տուած է Ազգային Առաջնորդարան եւ ընդունուած Թեմակալ Առաջնորդ՝ Գերշ. Տ. Մակար արք. Աշքարեանին կողմէ։

Այս մասին «Արեւելք» տեղեկութիւն ստացաւ Բերիոյ Թեմի պաշտօնական էջէն, ուր մասնաւորապէս գրուած է՝ 

Հինգշաբթի, 25 Ապրիլ 2024-ի առաւօտուն, Կրթասիրաց Մշկթ. Միութեան «Կոմիտասի Անուան Երաժշտանոց»-ի յանձնախումբը եւ Գործադիր Մարմինի ատենադպրուհի օրդ. Լիւսի Տիշոյեան, այցելութիւն տուին Բերիոյ Հայոց Թեմի Բարեջան Առաջնորդ Գերշ. Տ. Մակար Սրբ. Արք. Աշգարեանին, Ազգ. Առաջնորդարանէն ներս։

Ջերմ մթնոլորտի մէջ ընթացող հանդիպումին, յանձնախումբի ատենապետ տիար Ռաֆֆի Քէչէճեան հրաւիրեց Սրբազան Հայրը ներկայ գտնուելու տիկ. Մարգարիտ Խաչատրեան-Պանտաքի երաժշտանոցի աշակերտներուն համերգին, որ տեղի պիտի ունենայ Շաբաթ, 27 Ապրիլ 2024-ին, «Զ. Գաբրիէլեան» սրահէն ներս։

Սրբազան Հայրը իր հայրական օրհնութիւնները փոխանցելով, գնահատեց յանձնախումբի անդամները եւ կատարեալ յաջողութիւն մաղթեց իրենց աշխատանքներուն, յատկապէս միութեան 100-ամեակին նուիրուած գործունէութիւններուն։