Երեխաները Մեր Ժողովուրդի Ապագան են. Պորիս Մուրազի

Երեխաները Մեր Ժողովուրդի Ապագան են. Պորիս Մուրազի

 «Սինճար-Եզիտիներու  ազգային  միաւորման» նախագահ Պորիս Մուրազին յայտնած է, թէ երկու տարի է ի վեր արդէն Երեւանի մէջ կը գործէ «ՍԻՆՃԱՐ» դպրոցը: Դպրոցը սկզբնական ամիսներուն գործած է Հայաստանի մէջ Մեծ Պրիթանիոյ դեսպանատան աջակցութեամբ, իսկ վերջին մէկ տարուայ ընթացքին, զայն ֆինանսաւորած է «Սինճար եզիտիներու ազգային միաւորում» հասարակական կազմակերպութիւնը: Դպրոցէն ներս  եզիտի երեխաները կը սորվին մայրենի լեզու, եզիտի ժողովուրդի պատմութիւն եւ կրօն: Դպրոցը, որ ներկայիս  ունի 13 աշակերտ՝ այս տարիներու ընթացքին կրցած է արձանագրել դրական արդիւնքներ եւ այսօր դպրոցի սաները աւելի շատ բան գիտեն իրենց պատմութեան, կրօնի մասին եւ աւելի լաւ կը տիրապետեն մայրենի լեզուին: Դպրոցէն ներս կը դասաւանդեն եզիտի երիտասարդներ, որոնք ուսում ստացած են, կամ՝ կը ստանան ՀՀ ԲՈՒՀ-երէն ներս եւ  կը զբաղուին եզիտի համայնքի խնդիրներով: «ՍԻՆՃԱՐ» դպրոցի սաները ամէն ինչէ  զատ՝ առաջին հերթին կը սորվին եզիտիասիրութիւն եւ կը նուիրեն իրենց ժողովուրդին: Այս տարիներու ընթացքին դպրոցի սաները իրականացուցած են երկու մեծ՝ եւ բազմաթիւ այլ միջոցառումներ: Դպրոցը տպագրած է 2 գիրք` եզիտիերէն-հայերէն բառարան եւ «Էզտինամէ» պատմական դասագիքրը, որու միջոցաւ կ'իրականացուի պատմութեան ուսուցումը: Մուրազի կը յայտնէ, որ դպրոցը այժմ կանգնած է ֆինանսական դժուարութիւններու առաջ եւ դասընթացներու բնականոն ընթացքը վտանգուած է:  «Հաշուի առնելով այն, որ դպրոցը բաւական լաւ հիմքեր ստեղծած է եւ հնարաւորութիւն կու տայ եզիտի երեխաներուն ճանչնալ իրենց ժողովուրդին` կը դիմենք բոլոր անոնց, որոնք կրնան աջակցիլ մեզ դպրոցի յետագայ գործունէութեան հարցին»,- կ'ըսէ ան, նշելով, որ իրենց կրնան աջակցիլ բոլորը, նոյնիսկ մէկ տոլար փոխանցելով, որով պիտի լուծուի տարածքի վարձակալութեան եւ դասընթացի համար անհրաժեշտ օժանդակ միջոցներու խնդիրը:  «Երեխաները մեր ժողովուրդի ապագան են եւ մենք վստահ ենք, որ դուք անտարբեր չէք ըլլար ու կը մասնակցիք մեր աճող սերունդի դաստիարակմանը»,-եզրափակեց  ան: