15.13c
Երեվան
չրք, հնս 10
Լոնտոնի մէջ ծագած հրդեհէն ետք եւ մինչեւ այս պահը լիբանանցի ընտանիքի մը անդամները կը համարուին անյետացած: Այս մասին հաղորդագրութիւն մը հրապարակած է Լիբանանի ԱԳ նախարարութիւնը՝ յայտնելով նաեւ, որ մինչեւ այս պահը Շուքէյր ընտանիքի անդամներուն մասին տեղեկութիւններ չկան: Իր կարգին լիբանանեան կայանը չէ բացառած, որ լիբանանցի արմատներ ունեցող չորս անձերը զոհ գացած են Լոնտոնի «Կրինֆիլ» շէնքի մէջ պատահած հրդեհին: Հրդեհի սկիզբը Շուքէյր ընտանիքի տանտիկինը, մայրը ու երեք աղջիկները կը գտնուէին շէնքին մէջ: Տանտիկինը հեռաձայնով օգնութիւնը կը խնդրէ ամուսինէն: Ամուսինը՝ 41 տարեկան Պասեմը կը հասնի եւ շէնք կը մտնէ ազատելու համար ընտանիքին անդամները , որմէ ետք ոչ մէկ լուր իրենցմէ: Աւելի ուշ պարզ դարձած է, որ կնոջ եղբայրը բոլոր հիւանդանոցներուն մէջ փնտռած է իր հարազատները, բայց՝ ապարդիւն: Նոյն արդիւնքին հասած է նաեւ Լիբանանի արտաքին գործոց նախարարութեան բանբերը, կապ հաստատելէ ետք, լիբանանեան դեսպանատան եւ այս հարցով զբաղող այլ պատասխանատուներու հետ:
Նշենք, որ Լոնտոնի մէջ պատահած հրդեհին հետեւանքով զոհուած էին տասնեակ քաղաքացիներ, իսկ հրդեհը արդիւնք էր ելեքդրական խանգարումի:
