12.09c
Երեվան
երկ, հկտ 07
Հայաստանի մէջ ԱՄՆ դեսպան Ռիչըրտ Միլս կը շարունակէ իր պաշտօնը վարել: Այս մասին, ըստ կը յայտնէ ԱՄՆ դեսպանատունը, անդրադառնալով ԱՄՆ նախագահի փոփոխութեան հետ կապուած պաշտօնեաներու լիազօրութիւնները դադրեցնելու խնդրին:
ԱՄՆ դեսպանատան պարզաբանման մէջ կը նշուի.
«Դեսպան Միլսը կը շարունակէ մնալ ԱՄՆ դեսպանը Հայաստանի մէջ:
Միացեալ Նահանգներու բոլոր դեսպանները կը համարուին երկրի նախագահի անձնական ներկայացուցիչը իրենց նշանակման երկրին մէջ եւ կը ծառայեն նախագահին: Ընդունուած փորձին համաձայն՝ այն դեսպանները, որոնք «քաղաքական պաշտօնեայ են, այսինքն դիւանագիտական ծառայող չեն, նախագահի պաշտօնավարման ժամկէտի աւարտին հրաժարական կը ներկայացնեն:
Յիշեցնենք, որ երդմնակալութեան նախօրէին՝ նախագահ Թրամփի անցումային անձնակազմը տեղեկացուցած էր Օպամայի վարչակազմի քաղաքական պաշտօնեայ հանդիսացող դեսպաններուն, որ անոնց լիազօրութիւնները պիտի դադրին 20 յունուարի կէսօրին: Սակայն, Միացեալ Նահանգներու դեսպաններու 70%-ը դիւանագիտական ծառայող են եւ չեն համարուիր քաղաքական պաշտօնեայ: Դեսպան Միլսը եւս դիւանագիտական ծառայող է: Դիւանագիտական ծառայող հանդիսացող դեսպաններէն հրաժարական չէ պահանջուած եւ անոնք կը շարունակեն պաշտօնավարել իրենց նշանակման վայրերուն մէջ»:
