image

Քեսապի Եկեղեցին Պիտի Ունենայ Իր Նոր Զանգերը

Քեսապի Եկեղեցին Պիտի Ունենայ Իր Նոր Զանգերը

Շնորհիւ Հայ Կաթողիկէ Պատրիարքութեան, երեք ամիսներ ետք Քեսապի եկեղեցին պիտի ունենայ իր նոր զանգերը: «Արեւելք» այս մասին տեղեկութիւն ստացաւ Քեսապի իր աղբիւրէն: Նոյն աղբիւրը նաեւ փոխանցեց, որ երկուշաբթի՝ 8 փետրուար 2016-ին, Քեսապի Ս. Միքայէլ եկեղեցւոյ հնամեայ զանգերը փոխադրուած են Լիբանան՝ Պէյդ Շապապ նորոգութեան համար:

Նշենք, որ 21 մարտ 2014-ին ահաբեկիչները երբ գրաւած, կողոպտած ու քանդած էին Քեսապ աւանը, քանդած էին նաեւ եկեղեցւոյ զանգերը:
Եկեղեցւոյ փոքր զանգը Քեսապի ժողովուրդին անունով նուիրուած է Զմմառու հնադարեան թանգարանին: