20.09c
Երեվան
երք, ապր 22
Վարչապետ Նիկոլ Փաշինյանը Մոսկվա կատարած այցից հետո լրագրողներին հայտնել է, որ Հայաստանը Սիրիայում, մասնավորապես Հալեպում մարդասիրական առաքելություն է իրականացնելու: Լուրը հաղորդում է Sputnik Armenia-ն, նշելով, օգնությունը Սիրիա է ուղարկվելու Ռուսաստանի հետ համատեղ: Հայաստանի վարչապետը հույս է հայտնել, որ այս գործընթացում կներգրավվեն նաեև միջազգային հանրության այլ ներկայացուցիչներ:
«Ես արդեն կարող եմ այդ մասին պաշտոնապես ասել: Ծրագրի հիմնական նպատակը Հալեպի հայկական համայնքին եւ Սիրիային օգնելն է: Ես շատ ուրախ եմ, որ մեր երկրներն ընդունեցին այս համատեղ որոշումը, եւ Հայաստանի Պաշտպանության նախարարության մարդասիրական առաքելության ներկայացուցիչները կգործեն Հայաստանի դրոշի ներքո», - ասել է Նիկոլ Փաշինյանը: Նա տեղեկացրել է, որ Սիրիա ուղարկվելիք օգնությունը մարդասիրական բնույթ ունի եւ ռազմական տարրեր չի պարունակում:
«Հայաստանն այդ հարցում հատուկ հետաքրքրություն ունի, քանի որ Սիրիայում հայկական համայնք կա, հատկապես Հալեպում է այն մեծ: Մենք կարեւոր ենք համարում մարդասիրական օգնություն ցուցաբերելը: Տվյալ դեպքում խոսքն ականազերծման եւ բժշկական օգնության տրամադրման մասին է», -այս առիթով ասել է Նիկոլ Փաշինյանը:
