image

Մուսուլի Հոգեւոր Հովիւ Տ. Առաքել Քահանայ Գասպարեան Հողին Յանձնուեցաւ

Մուսուլի Հոգեւոր Հովիւ  Տ. Առաքել  Քահանայ Գասպարեան Հողին Յանձնուեցաւ

 Իրպիլի   մէջ   տեղի ունեցած է  օրեր առաջ իր մահկանացուն կնքած     իրաքեան Մուսուլ քաղաքի հոգեւոր  հովիւ Տ. Առաքել Քհնյ.  Գասպարեանի      վերջին օծումն ու յուղարկաւորութիւնը: Այս մասին «Արեւելք» տեղեկութիւն ստացաւ Իրպիլի իր աղբիւրէն:   Արարողութիւնը կատարուած է    Իրպիլի Զախո  շրջանին մէջ գտնուող Հայ  Առաքելական Սուրբ Մարիամ Աստուածածին եկեղեցւոյ մէջ: Արարողութեան ներկայ գտնուած  են Իրպիլի   հայ համայնքի պատասխանատուներ, որոնց կարգին Քիւրտիստանի  խորհրդարանի  հայ անդամ ՝ Երուանդ Ամինեան: Արարողութեան  նախագահած  ու յաւուր պատշաճի  իր պատգամը փոխանցած է Իրաքի Հայոց առաջնորդ Տ. Աւագ Արք. Ասատուրեան:  Յիշեցնենք, որ Տէր. Առաքել Քհնյ Գասպարեան,       եկեղեցիին մէջ իր      մատուցած  կրօնական  ծառայութեան ընթացքին կաթուած ստանալով փոխադրուած էր հիւանդանոց: Հանգուցեալ Տէր Հայրը   վերջին հինգ ամիսներուն կը  գտնուէր բժիշկներու      հսկողութեան տակ: Յիշեցնենք, որ  Մուսուլը Տահէշ ահաբեկչական խմբաւորման լուծին տակ անցնելէ ետք  Տէր Առաքել անաղմուկ ձեւով  յաջողած էր հոն  բնակող շուրջ     հայ ընտանիքներ անվտանգ կերպով դուրս  բերել եւ  օգնել անոնց, որպէսզի հաստատուին  իրաքեան Քիւրտիստանի  տարբեր   աւաններուն մէջ: Տէր Հայրը այդ ծանր օրերուն  կոչ մը հրապարկելով  հայրենի իշխանութիւններէն՝  խնդրած էր միջամուխ ըլլալ եւ հայ ընտանիքները արագօրէն Հայաստան  տեղափոխել: