26.09c
Երեվան
հնգ, սպտ 12
Կարէն Վարդանեանի սպաննութեան գործով գլխաւոր մեղադրեալ կը համարուի զոհի հարեւան 22 -ամեայ Գէորգ Զոհրապեանը: Յայտնենք, որ Վարդանեանի դին այս առաւօտ յայտնաբերուած էր Զոհրապեանի ինքնաշարժ- տնակին մէջ: Ոճիրին մասին կարեւոր տեղեկութիւններ հաղորդած է աքթիւիսթ եւ «Իրազեկ քաղաքացիներու միաւորում» միութեան Դանիէլ Եոհանիիսեանը, որուն ըսելով սպաննեալ Վարդանեան դրամական վարկի հարց մը ունէր եւ այդ խնդրի լուծման համար իր տունը գրանցած էր հարեւանին անունով: կը հաղորդուի նաեւ, որ սպաննութեան գործին մասնկացած է Գէորգ Զոհրապեանի Արթուր Միհրանեան անունով ծանօթը: Անցնող 17 Փետրուարէն ի վեր Վարդանեան անյետացած էր ու վարկածներ կը շրջէին, որ ան աշխատանքի համար մեկնած է Արաբական Միացեալ Էմիրութիւններ: Հայրենի ընկերային ցանցերու վրայ Վարդանեանի սպաննութեան դէպքը բողոքի լայն ալիք մը ստեղծած է: Իրաւագէտ Կարէն Վարդանեան անդամ էր «Իրազեկ Քաղաքացիներու Միաւորում» հասարակական կազմակերպութեան:
