4.09c
Երեվան
կրկ, դկտ 10
Այսօր՝ տեղական ժամով ժամը 10:17-ին ՀՀ ԱԻՆ երկրաշարժային պաշտպանութեան ծառայութեան երկրաշարժաբանական ցանցի կողմէ գրանցուած է հիւսիսային լայնութեան 39.240 եւ արեւելեան երկայնութեան 46.380 աշխարհագրական համակարգումներով (Հայաստան, Կապան քաղաքէն 5 քմ հիւսիս-արեւմուտք), օճախի 10 քմ խորութեամբ, 3.9 ուժգնութեամբ երկրաշարժ:
Ստորգետնեայ ցնցման ուժգնութիւնը էպիկեդրոնին կազմած է 5 բալ: Երկրաշարժը զգացպուած է Կապան քաղաքի մէջ՝ 5 բալ, Գորիս եւ Քաջարան քաղաքներուն մէջ՝ 4-5 բալ ուժգնութեամբ:
Երկրաշարժին յաջորդած է 3.3 ուժգնութեամբ մէկ յետցնցում: Նախնական տուեալներով՝ աւերածութիւններ չկան:
Աշակերտութիւնը դպրոցներէն եւ մանկապարտէզներէն դուրս բերուած են:
Բնակիչները համացանցի վրայ այս կապակցութեամբ գրառումներ կատարած են, որոնցմէ մէկուն մէջ կ'ըսուի. «Փառք Աստուծոյ Սիւնիքում աւերուածութիւններ չկան, բայց երկրաշարժը հզօր ա եղել: Կապան խօսեցի, ասում են գրքերը սեղաններոց դարակներից թափուեցին»:
