Ուրբաթ, 26 Փետրուարին Իրանի Իսլամական Հանրապետութեան մէջ տեղի ունեցած ընտրութիւններուն արդիւնքով համայնքի երկու գործիչներ մուտք գործեցին իրանեան խորհրդարան: Այս մասին տեղեկութիւնը տրուած է Թեհրան հրապարակուող «Ալիք»ին կողմէ: Աղբիւրը նաեւ կը գրէ, թէ Թեհրանի եւ հիւսիսային իրանահայութեան պատգամաւոր ընտրուած է Կարէն Խանլարեան, իսկ Սպահանի եւ հարաւային իրանահայութեան պատգամաւոր ընտրուած է Ժորժիկ Աբրահամեան: