ՀՀ արտաքին գործոց նախարարութիւնը կ'ողջունէ Սուրիոյ մէջ ռազմական գործողութիւններու դադարեցման վերաբերեալ Ռուսիոյ եւ Միացեալ Նահանգներու միջեւ համաձայնութիւնը: Այս մասին նշուած է ՀՀ ԱԳ նախարարութեան ֆէյսպուքեան էջին վրայ:
«Ողջունում ենք ՌԴ եւ ԱՄՆ միջեւ համաձայնութիւնը` Սիրիայում ռազմական գործողութիւնների դադարեցման վերաբերեալ»,- կը նշէ ԱԳՆ-ն: Միացեալ Նահանգներու, Ռուսիոյ եւ Սուրիոյ աջակցման միջազգային խումբի գիծով միւս գործընկերներուն միջեւ ըմբռնում ձեռք բերուած է մարտական գործողութիւններու դադարեցման պայմաններուն շուրջ:
Նշենք, որ նախապէս հրապարակուած էր Սուրիոյ մէջ հրադադարի վերաբերեալ Ռուսիոյ եւ ԱՄՆ-ի համատեղ յայտարարութիւնը, որու համաձայն` հրադադարը ուժի մէջ պիտի մտնէ փետրուար 27-ին` Դամասկոսի ժամանակով ժամը 00:00-ին: