Ամերիկայի Միացեալ Նահանգներու Գալիֆորնիայի մէջ գործող Հայ Գրողներու Միութիւնը ընտրած է նոր վարչակազմ: Միութեան նոր նախագահն է բանաստեղծ Գարուշ Հարեանց, իսկ անդամները ՝ Յովսէփ Նալպանտեան եւ Աշոտ Ջահակիր (փոխ նախագահներ), Նայիրի Յովհաննա (քարտուղար), Արմէն Պօղոսեան (գանձապահ) եւ խորհրդականներ ՝ Հենրիկ Անասեան եւ Վազգէն Աբովեան: Նշենք, որ Գալիֆորնիոյ Հայ գրողներու Միութիւնը վարչականօրէն կապ ունի եւ կը գործէ Հայաստանի Գրողներու Միութեան հովանաւորութեամբ: Յիշեցնենք, որ ընտրութիւնը տեղի ունեցած է 7 Նոյեմբերին: