Սուրիա- («Ալ Հայաթ»- Լոնտոն) «Թանձր մութ էր, բռնած էի կնոջս ձեռքը, իսկ 3 տարեկան երեխաս գիրկս էր»,- այսպէս պատմած է Չորեքշաբթի օր թրքական Պոտրում քաղաքի ծովեզերքը մահացած գտնուած Իյլան Ալ Քըրտիի հայրը: Ապտալլա Ալ Քըրտի, որ խօսած է «Ալ Հայաթ»ին, նաեւ ըսած է, որ նաւը վայրկեաններու մէջ շրջուած է, երբ նոր ուղեւորներ աւելցած են: Ազգութեամբ քիւրտ Քըրտի, որ սուրիական Քոպանի քաղաքէն է, նաեւ պատմած է, որ իրենք թրքական ջուրերէն կը նաւարկէին դէպի Յունաստան: Նշենք, որ նաւաբեկումին հետեւանքով զոհուած էին 12 անձեր, որոնց 5-ը երեխաներ էին: Խեղդամահ եղած էին նաեւ Իյլանի մայրը՝ Րիհան ու 5 տարեկան եղբայրը ՝ Ղալէպ: