Հրատապ լուրեր:

Ձեզ եմ դիմում, տիկնայք եւ պարոնայք. Սյուրմելյանի՝ ցեղասպանության մասին վեպը վերահրատարակվել է

Ձեզ եմ դիմում, տիկնայք եւ պարոնայք. Սյուրմելյանի՝ ցեղասպանության մասին վեպը վերահրատարակվել է

Լուսանկարում՝Լեւոն Զավեն Սյուրմելյանը՝ ամերիկացի օսկարակիր դերասան Քլարկ Գեյբլի հետ: Սյուրմելյանի ձեռքին իր հայտնի վեպի՝ I Ask You, Ladies and Gentlemen-ի առաջին՝ 1945-ի հրատարակությունն է, որի առաջաբանը Ուիլյամ Սարոյանն է գրել: Գրքում հեղինակը նկարագրում է Տրապիզոնում անցկացրած իր մանկությունն ու հայոց ցեղասպանությունը իր՝ 10 տարեկան տղայի աչքերով: Վեպը բազմիցս վերահրատարակվել է, նաեւ հայերեն է թարգմանվել: Վերջերս վեպը նորից հրատարակվեց Մեծ Բրիտանիայում՝ քարտեզներով, ծանոթագրություններով, պատմական ակնարկներով: 

 

«Ձեզ եմ դիմում, տիկիններ և պարոններ»  (I Ask You, Ladies and Gentlemen), անգլալեզու ինքնակենսագրական գեղարվեստական վեպն  առաջին անգամ ամբողջությամբ հրատարակվել է 1945 թ.՝ E. P. Dutton հրատարակչության կողմից՝ ԱՄՆ-ի Նյու Յորք քաղաքում։ Այս առաջին հրատարակության նախաբանը գրված է Վիլյամ Սարոյանի կողմից, որում Սարոյանը գիրքն անվանում է ամենագեղեցիկ և ամենահուզիչ պատմություններից մեկը, որն ինքը երբևիցե կարդացել է։

 

Հայերեն թարգմանությամբ լույս է տեսել 1980 թվականին (թարգմանիչ՝ Հրաչ Պ. Բուջիկանյան)