Ղամիշլիի մեր աղբյուրները հայտնում են, որ Դերզորի (Դեյր-Էլ-Զոր) վերջին 25 հայ ընտանիքները հեռացել են, եւ քաղաքում այժմ ոչ մի հայ չի մնացել: Մեր աղբյուրը նաեւ տեղեկացնում է, որ Դերզորի հայերի մեծ մասը հաստատվել է Հալեպում, Ղամիշլիում եւ Լաթակիայում: Հայերին պատկանող բոլոր տներն ու խանութները` Դերզորում, կողոպտվել են: Իսկ հայոց ցեղասպանության զոհերի հիշատակին կառուցված «Սրբոց Նահատակաց» եկեղեցին, որ մոտ մեկ տարի առաջ պայթեցվել էր, մնում է քանդված ու լքված վիճակում: Արդեն 1,5 տարուց ավելի է, ինչ Սիրիայի արեւելյան մասում գտնվող Դերզորը գտնվում է ԻՊ ահաբեկչական խմբավորման տիրապետության տակ: