image

Անգարայի մէջ ոստիկանութիւնը յարձակած է Տինքի յիշատակը յարգող մարդոց վրայ (Տեսանիւթ)

Անգարայի մէջ ոստիկանութիւնը յարձակած է Տինքի յիշատակը յարգող մարդոց վրայ (Տեսանիւթ)

Անգարայի մէջ ոստիկանութիւնը յարձակած է Հրանդ Տինքի յիշատակին կազմակերպուած երթի մասնակիցներուն վրայ: Ինչպէս կը հաղորդէ «Արմենփրես»-­ը, այս մասին կը տեղեկացնէ «Ակօս» պարբերականը:

Անգարայի մէջ Հրանդի յիշատակի նախաձեռնութիւնը յայտարարութիւն տարածած էր Եուքսել պողոտային վրայ, Յունուար 19-­ին տեղի ժամանակով 15:00-ին, յիշատակի արարողութիւն կազմակերպելու մասին: Արարողութեան պէտք է մասնակցէին նաեւ քրտամէտ Ժողովուրդներու ժողովրդավարական կուսակցութեան եւ քեմալական Հանրապետական ժողովրդական կուսակցութեան անդամ պատգամաւորներ:

Սակայն արարողութիւնը արգիլուած է, իսկ խումբին թոյլատրուած է միայն մէկ վայրկեաննոց յարգանքի երթ կազմակերպել:

Յարգանքի երթէն ետք ոստիկանութիւնը երթի մասնակիցներուն կողմէ կարգախօս հնչեցուելու պատճառաբանութեամբ յարձակած է խումբին վրայ: Խումբին որոշ անդամներ ծեծի ենթարկուած են:

Անգարայի մէջ 2017 թուականի Յունուար 10-էն մէկ ամիսով արգիլուած են բոլոր ցոյցերն ու հաւաքները։