Ամեն. Տ. Նուրհան Պատրիարք Պոլիս մեկնեցաւ. Այցին պատճառները կը մնան «յոյժ գաղտնի»

Ամեն. Տ. Նուրհան   Պատրիարք     Պոլիս   մեկնեցաւ. Այցին պատճառները  կը մնան  «յոյժ  գաղտնի»

Երուսաղէմի    Հայոց  Նուրհան Պատրիարքը     այսօր   Պոլիս մեկնած է:  Այս մասին «Արեւելք»  տեղեկութիւն ստացաւ Երուսաղէմի  իր աղբիւրէն:

Մեր աղբիւրը  նաեւ   նշեց, որ այս  այցին Պատրիարք հօր  կ'ընկերակցի Պատրիարքութեան  կալուածոց  հարցերու  պատասխանատու   Տ.  Պարէտ  ծ.վրդ.  Երէցեանը:

 

 Նշենք, որ     վերջին  տարիներուն     Երուսաղէմի  Հայոց  Պատրիարքին Պոլիս տուած  այցելութիւնները    կ'անցնին   բաւական  «խորհրդաւոր»  մթնոլորտի մը մէջ ու այցերուն վերաբերեալ պատրիարքարանը, ոչ մէկ յստակ տեղեկութիւն կամ հաղորդագրութիւն կը տարածէ:

 

 Կարգ մը լրատուական աղբիւրներ   աւելի վաղ   հաղորդած են, որ Պատրիարքութիւնը     նիւթական     նեղ   վիճակի մը մէջ գտնուելուն պատճառով  Ամեն.  Տ.    Նուրհան  Պատրիարքին   տնօրինութեամբ  կարգ մը      գործարքներ կը կատարէ  Անգարայի  իշխանութիւններուն հետ, սակայն  այս բոլորը մինչեւ այս  պահը  կը մնան    ենթադրութիւններ:

 

 Յիշեցնենք, որ «Արեւելք»  այս    թեմայով  քանիցս դիմած է   սաղիմահայ միաբաններու  եւ յատկապէս     Տ.  Պարէտ  ծ. վրդ.ին   սակայն  վերջինս   խուսափած  է պատասխանել մեր հարցումներուն:

 

   Տեղին կը համարենք  նշել, որ Երուսաղէմի  Պատրիարքին եւ            Մայր Աթոռի ու  Կիլիկիոյ    գահակալ   հայրապետներուն հետ յարաբերութիւնները  այդքան ալ «փայլուն»  վիճակի մը մէջ  չեն ու այդ մասին   տեղեակ   է   Հայաստանեայց  Առաքելական եկեղեցւոյ հարցերով    մտահոգ   հայորդիներուն   ջախջախիչ մեծամասնութիւնը: