Լոս Անջելեսում էկրան է բարձրացել ամերիկացի ռեժիսոր Քրիստոֆեր Չամբերսի «Արամ, Արամ» լիամետրաժ խաղարկային ֆիլմը: Բեյրութից ԱՄՆ տեղափոխված 12-ամյա հայ պատանու պատմությունը ցնցել է բազմաթիվ օտարների, գրում է ամերիկյան մամուլը: Լոս Անջելես` պապիկի մոտ գնացած պատանին անցնում է մեծ դժվարությունների միջով, ընկնում վատ շրջապատ... Ռեժիսորին ներշնչել է Լոս-Անջելես տեղափոխված բազմաթիվ հայերի պատմությունները, որոնցից շատերը չեն դիմացել գայթակղություններին եւ, նոր միջավայրում հայտնվելով, այլ կյանք են սկսել: Ամերիկացի ռեժիսորը փորձել է «Արամ, Արամ» ֆիլմով ցույց տալ հայերի նորօրյա արտագաղթի ոդիսականը: Ֆիլմը Երեւանում ցուցադրվել է «Ոսկե Ծիրան» կինոփառատոնի շրջանակում: Այն հայերի մասին պատմող միակ ֆիլմն է, որը նաեւ ներկայացվել է Լոս Անջելեսի կինոփառատոնին: Գլխավոր դերերում հանդես են եկել Լեւոն Շարաֆյանը, Ալլա Թումանյանը, Ջոն Ռուհինյանը եւ Սեւակ Հակոբյանը: