13.09c
Երեվան
հնգ, ապր 25
Պոլսոյ ծանր յանցագործութիւններու թիւ 14 դատարանը նախօրէին ազատ արձակած է պոլսահայ լրագրող, «Ակօս» թերթի հիմնադիր եւ նախկին խմբագիր Հրանդ Տինքի սպանութեան գործով երկու մեղադրեալ, այս մասին կը գրէ «ՀայԹերթ»-ը:
Կը նշուի, որ դատարանը որոշած է Հետախուզական կոմիտէի նախկին բարձրաստիճան պաշտօնեայ Մուհարրամ Տէմիրքալէի ու լրագրող Էրճան Կիւնի որպէս նախնական խափանման միջոց սահմանուած կալանքը փոխարինել երկրէն դուրս գալու արգելքով:
Նշենք, որ Էրճան Կիւնն այն լրագրողն է, որ առաջին տարածողը եղած է Տինքը սպանած Օկիւն Սամասթի՝ ոստիկաններու հետ թրքական դրօշով արած տեսագրութիւնն ու նկարները:
Հիշեցնենք, որ Տինքի գործով քանի մը տասնեակ մեղադրեալ կայ, սակայն անոնց միայն մէկ մասը կը գտնուի կալանքի տակ:
