Լիբանանի եւ արաբական աշխարհի յայտնի աստղերէն Նանսի Աճրամ երէկ «Թուիթըր»եան իր էջով գրառում մը կատարած է լիբանանահայ լրագրող Նշան Տէր Յարութիւնեանին մասին:
Աճրամ մասնաւորապէս գրած է. «Դուն այդպէս ես, Նշան: Կը համարձակիս ըլլալ հոն, ուր ուրիշները չեն համարձակիր»:
Աճրամ այս գրառումը կատարած է այն պահուն, երբ «Ալ-ժատիտ» կայանէն կը սփռուէր Նշան Տէր Յարութիւնեանի հերթական «Անա հէյք» («Ես այսպիսին եմ») ծրագիրը, որ այս շաբթուան ընթացքին արծարծած էր լիբանանեան «Ռումիյէ» բանտին մէջ գտնուողներուն իրավիճակը եւ անոնց ապրած տառապանքները:
Յիշեցնենք, որ լիբանանահայ լրագրողը յայտնի անուն է ոչ միայն Լիբանանի, այլ ամբողջ արաբական աշխարհին մէջ: