Սուրիացի քաղաքացիներու համայնքը ներկայացնող պատուիրակութիւն մը այսօր այցելութիւն տուած է Երեւանի մօտ Սուրիոյ դեսպանատուն։
Համայնքի նախագահ Տօքթ. Ճորճ Բարսեղեանի գլխաւորութեամբ կազմուած պատուիրակութեան անդամները ընդունուած են ՀՀ-ի մօտ Սուրիոյ արտակարգ եւ լիազօր դեսպան Տիար Մոհամմատ Ահմատ Հաժ Իպրահիմի կողմէ։
Այցելութեան նպատակը եղած է Հայաստանի սուրիացիներու համայնքին անունով շնորհաւորել դեսպան Իպրահիմը Սուրիոյ «սրբագրման օր»ուան տօնին առթիւ։
Կը նշուի, որ հանդիպման ընթացքին կողմերը քննարկած են Հայաստան-Սուրիա կապերու ամրապնդման միջոցները, ինչպէս նաեւ յառաջիկայ փուլին համագործակցութեան ապահովման կարելիութիւնները։
Յիշեցնենք, որ «սրբագրման շարժման» (1970-ին) շնորհիւ Սուրիոյ նախագահ Պաշշար Ասատի հայր ՝ Հաֆէզ Ասատ յաջողեցաւ կարեւոր բարեփոխումներ կատարել ու այդկերպ հասնիլ իշխանութեան ղեկին։